Azterketa optometriko osoa egiten da, pazientearen ikusmen-trebetasunak eta eskatzen zaiona bat datozen baloratzeko. Azterketa honen iraupena ordu betekoa izaten da gutxi gora behera eta aurretiaz galdetegi bat bidaltzen diegu paziente edo haurren kasuan haien senideei, kontsulta eguna baino egun batzuk lehenago gure eskuetan beteta eduki dezagun. Era honetara, kontsulta izan baino lehen, pazientearen ikusmen, osasun orokorraren, garapen , ikasketa eta hainbat arlori  buruzko informazioa aurretiaz izango dugu, kontsultarako dugun denbora eraginkorra izan dadin, diagnostiko eta tratamendu onena bilatzeko kasu bakoitzean.

Hauek baloratzen ditugu: 

• Urruneko eta hurbileko ikusmen–zorroztasuna
• Errefrakziozko egoera
• Begiko trebetasun motorrak
• Moldaera trebetasunak
• Ikusmen binokularra. 
• Ikusmen periferikoa

Ikusmen pertsepzioa, gure garunak,  jasotzen duen ikusmen informazioa aztertu, interpretatu eta gainontzeko sentzuetatik datorkion informazioagaz erlazionatzeko duen gaitasuna da.

Ikusmen informazioa interpretatzeko zailtasunen bat egon daitekeen susmoa dugunean, azterketa sakonago bat egiten dugu, non ondorengo atalak aztertzen ditugun:

1- Azterketa psikomotorra:

Garapen motorea aztertzen dugu, hertsiki lotuta baitago ikusmen–garapenarekin.

Alor hauek baloratzen ditugu: gorputzaren eskema eta  kontzientzia, patroi motoreak, koordinazio motorea, oreka, gorputz erdiko marra gurutzatzea eta  martxa patroiak.

2- Trebetasun bisoespazialak

Lateralitatea, norabidetasuna eta alde bietako integrazioa aztertzen ditugu.

3- Forma azterketa:

Ebaluatzen ditugun arloak besteak beste, ikusmen diskriminazioa, formen ziurtasun bisuala,  ikusmenezko oroimena, irudi-hondoa eta ixte bisuala dira.

4- Integrazio bisuomotorra:

Eskuetako eta hatzamarretako motrizitatea fina aztertzen da, baita ikusmen informazioaren prozedura eta beronen kopiaketaren arteko erlazioa ere.

5- Integrazio bisuoauditiboa:

Ikusmenenetik  eta entzumenenetik datozkigun  estimuluak erlazionatzeko gaitasuna aztertzen da, ahozko edo idatzizko erantzun bat emoteko.

Haurraren garapen motorrean eragiten ari diren eta ikaskuntzan  ondorioak dituzten integratu gabeko jatorrizko erreflexuak eta garatu gabeko jarrerazko erreflexuak dauden antzemateko egiten dugu ebaluazio hau.

Hiper eta hiposentiberatasuna hautemateko egiten da balorazio hau, gerta bailiteke hizkeraren, arretaren, kontzentrazioaren eta irakurketa eta idazketaren garapenean eragina izatea. 

Horrekin guztiarekin, pazientearen ikusmen–egoeraren balorazio orokorra egiten dugu, bai eta diagnostikoa ere, eta, behar izanez gero, tratamendu egokia bilatzen dugu.